الواسطة والشهادة
حنا في عصر الواسطة لا الشهادة = شـهـادة بـلا واسـطـة مالها صيـت
الطـيـن زادت بـلـتـه الزيادة = زيادة الاسعار ليا أصبحت وأمسـيت
نركض ورى الدنيا عشان السعادة = لـكـن تـحـطـم الامـل بالتناهيـت
مـن ونتي تـون حـتـى الوسـادة = ونت قـهـر مـن شجـره غصونها ميت
أحـتـرت بين البنجـرة والقلادة = بين الذهب والنفط والغاز والزيت
الليل قـمـرا بس يفجـع سـوادة = لاغـاب نـوره بـتـالي الليل ونيت
النار لـو كبرت تـعـود رمـادة = وبـدايـة النيران من عـود كبريت
بعض العلل إلها دواء فالعيادة = لا خـذت منها بإذن ربـي تـشـافيت
بـعـض العلل تكسيك هـم ونكادة = مـاتطيب منها لـو سـهرت وتداويت
بعض الشجر يعجبك كثرت حـصـادة = لـيـا حـصـدتـه مـن حصادة تهنيت
بعض الشجر يحتاج صـبـر وجـلادة = عـشـان يـأتـي مـثـل منته تمنيت
بـعـض الشجر مامنه والله إستفادة = تـقـول فـكـه مـنـك يـاشين مليت
هـذا عـصـر الواسطة لا الشهادة = شـهـادة بـلا واسـطـة مالها صيـت