أرقصي على الجروح النازفه=لو شكيت من الوجع لا ترحمين
دامت إنك بالخفايا عارفه=افعلي بالقلب كل اللي تبين
ذي حلومي عند بابك واقفه=خاضعة ما بين عنف وبين لين
تستمع لأنغامك اللي عازفه=ترقص بدنياك يومك ترقصين
هي مراسيلي لشوق(ن)كاتفه=بالحنايا للخلائق مايبين
آه من لهف الخفوق الجارفه=لو شعرتيها حشا ما تسألين
كنها بعماق روحي راجفه=ما جنيت الا تناهيد الونين
لا ذكرتك وإن نسيتك عاكفه=آه يا كل الغلا لو تعرفين
أنتي أول حب قلبي صادفه=وأنتي أخر عشق في باق السنين
من بعدك(ي)ما نويت مجازفه=واضح المقصود وأنتي تفهمين
لا تقولي من زماني خايفه=لا نويتي شيء فوقه تقدرين
كود صرتي من غرامي عايفه=لا رحلتي ياغلا لا ترجعين
جددي لمخالفة بمخالفه=والله الوالي على جرحي يعين
وإتبعي للسالفة بالسالفه=من بديتي لين عني ترحلين
أتركيني للجروح مناصفه=تفعل الأيام فيني كل شين
خلي همومي علي مرادفة=لو رحلتي ما بقا للروح زين
آه من دنيا الغرام السارفه=متعبتنا بكل وقت وكل حين
شمس عمري من بعدك(ي)كاسفه=مظلمة دنياي بين المشرقين

المشاركة الأصلية كتبت بواسطة المستشــار (المشاركة 44900) ا سلام عليك مبدع صح لسانك وعلا شانك نص راااااائع لك التقدير

المشاركة الأصلية كتبت بواسطة نجم العرب (المشاركة 44908) الله عليك مبدع صح لسانك تقبل مروري

المشاركة الأصلية كتبت بواسطة عذبة الالحان (المشاركة 44925) صح لسانك ويسلمو هاليدين من كل شر دائما مبدع ومتألق قصيده تحوي بين طياتها اعذب الكلمات وقسوة العشق دومت بود

صح بدنك يالغالية

عطرتي القصيدة بمرورك

وزيمتيها بردك

لك

اجمل تحية