بس الحلا والزين جوف السعوديه = وكل ديره بنيها من حجرها
لاتوهق الشبان ياطيب النيه = وتروح ماتعرف مواطي جررها

بعض العرب مابها رحمه وماويه=لو يلتقي فاطر بخنجر نحرها
ومن لا يعرف الصيد تقنعه قمريه=لو حطها بالجمر مروح زفرها
والتمر لا من صار في راس برنيه=ييبس ويقعد تمرها في نحرها
ليا كان ما تلحقه ياشاكر يديه=ماني بذائق لقمة(ن)من تمرها
لكن نخل الشام سكر وصفريه=تلحق عذوق التمر وأنت بقعرها
بالزين مكسيه وبالرب مرويه=بالديرة اللي ما يوقف مطرها
والا ديرنا كلها اليوم محميه=الصيد فيها مختفي من ذعرها
أرض(ن)وعر وخبوت بريه=صحاري(ن)غبرا ويبس شجرها
وإن كان رايك مختلف هات ماريه=ونشوف باق القوم وجهة نظرها
أما طلعنا صح والا حراميه=ننهب ثياب الناس والا غترها
ياشاكر البل محفوظة ومرعيه=محد(ن)مقربها ولامس وبرها

ما خاب من رافقه جمعة بوارديه=والشيخ لا سير بديره وعمرها
الدرب لو حط به شرطه ومريه=تمشي تحت قائد بالأمر يامرها
والسكة اللي من العربان ماطيه=ماني بواطي عليها بتحذرها
خل البحر ما نبيه الحرب جويه=وأفعالنا واضحة والجيش قررها
دور نجيضه وحذرا تأكل النيه=بعض العرب الدهن بالكبد عورها
لا تاقع بصيدة قدام مرميه=بعض القنانيص يرميها وكسرها
وأنا ترى ما بعلم لو ها هيه=ماني بقايل ترى الحربي قشرها

المشاركة الأصلية كتبت بواسطة القنـــــاص (المشاركة 90454) صح لسانك والله يعطيك العافية كعادتك رائع فيما تدون أبيات جميلة بجمال فكرك الراقي كل عام وأنت بخير لك خالص التحية

المشاركة الأصلية كتبت بواسطة دليل القوافــل (المشاركة 90458) صح لسانك يا مبدع القوافي كعادتك مميز متألق كل عام وأنت بالف خير وعافية

المشاركة الأصلية كتبت بواسطة ابن عميش (المشاركة 90460) بن هليل صح لسانك على هذه القصيده الجميله والراااائعه ...بيض الله وجهك على هذه الابداع والتألق المميز ..لك التحيه والتقدير

المشاركة الأصلية كتبت بواسطة دليل القوافــل (المشاركة 90458) صح لسانك يا مبدع القوافي كعادتك مميز متألق كل عام وأنت بالف خير وعافية