بين الفرح والحزن والضيق والهم=أصدر الأفكار وأستارد أفكار
أشتت الأحلام وأعود والم=وأغطي الأجراح بالزيت والنار
بغرق جميل الحلم من فاير الدم=وأكتب بلونه للزمن لحن وأشعار
أثر حياتي كلها حلم من حلم=من يوم حنا أطفال واليومه كبار
أجمل معاني صرختي حدها الفم=وأعذب كلامي من زعل خافقي طار
يا حسرتي من فرح لكن ما تم=جار الزمن والحظ ساعده ثم جار
رما بقايا بهجتي داخل اليم=أقلع سماي ولا بقا سحب وأمطار
تحولت دنايي من بني للهدم=صارت صحاري بعد ما كانت إعمار
خانتني الأيام والعقل والفهم=حتى رميت النفس في وجه الإعصار
لو كنت حاسبها على الكيف والكم=ما كان صار اليوم للروح ما صار
حتى فقدت الذوق والسمع والشم=دار الزمن والوقت مذموم لا دار
والجرح لا منه وصل قاسي العظم=ما عاد ينفع طب بعروق ووتار
القلب بيت الروح لا صابه السقم=هذي بداية طي صفحات الأعمار
عند النهاية إذكر الله ثم سم=هذا قدر والله مدبر للأقدار

صح بدنك ولا هنت



سعدت بردك الطيب



لك تحيتي

ابن عبيان سلم منطوقك وصح لسانك


وما هي الا أبيات والشاعر يقول ما لا يفعل


ولك جزيل الشكر والتحية

صح بدنك ولا هنت



بارك الله فيكم جميعا



لك خالص التحية