يا طير ليتك في حيات تجمل=تعطيني الجنحان يا طير وأطير
ودي أروح لصاحبي وأتعلل=والصبح أرجع لك جناحك على خير
طول غيابه والبلا ما أتحمل=كني على جمر بوسطه مسامير
من شافني يقول وشبك تملل =ما هو بداري عن خفايا التفاكير
ما يدري إن القلب والفكر مختل =لكن رب العرش عنده تدابير
لي صاحب ما شفت مثله ولا أجمل=ويزيد حسنه حسن زين التعابير
له غرة لو شافها البدر يخجل=سبحان من صوره بأعز تصوير
أبو عيون نجل حور مكحل=مكمل بالزين ما فيه تقصير
أبو جعود فوق متنه تشلل=كنه ثعول الوبل بعد التباشير
هذا حبيب الروح غرو(ن)مدلل=حبه بقلبي فجر القلب تفجير
بعطيه عمري وعد وأقول وأفعل=حتى ولو دون الفعائل محاذير
بس المهم الزين مبغاه يزعل=حتى ولو جارت علينا المقادير
وإن كان ما جئته وجاني وكمل=ضاعت حلومي ما تفيد المعاذير
أدعي كريم الجود وءله أتوسل=إنه يصبرني على البعد تصبير
وإن كان ربي ليّم الشمل وأقبل=بصير أنا وإياه مثل المشاهير

المشاركة الأصلية كتبت بواسطة القنـــــاص (المشاركة 29364) ما شاء الله عليك قصيدة رائعة الله يعطيك العافية تقبل تقديري

المشاركة الأصلية كتبت بواسطة ۞النجـــــم۞ (المشاركة 29367) صح لسانك وعلا شانك رائعة بروعة تواجدك لك تقديري