لا بأس ياللي تجذب الصوت لا بأس=ياللي تسوق القاف مدري تقودي
وش علتك تصرخ على روس الأطعاس=ودك تشب النار بقدح الزنودي
هون على روحك ترى طرد الأنفاس=دليل للي ما تحمل جهودي
ترى الدسم والسم لا صار بالكاس=من يشربه يصبح رهين اللحودي
واللي يبيع رخيص يبشر بالإفلاس=حتى ولو ماله بحجم النفودي
إحذر تبيع رخيص يا تاجر المأس=ترى السعر في كل يوم يزودي
خل الشرا والبيع محسوب بقياس=قدام تلطم يوم فوق الخدودي
وليا وردت العد جود للأمراس=تشرب هنا قدام ورد الورودي
واللي يذم الناس لابد ينداس=حتى ولو إنه فهد من فهودي
ترا السباع تعقب سباع فراس=والا الثعالي ما تجهز حشودي
حتى الطيور أصناف بومة وقرناس=والفرق واضح بين ذيب وقرودي
وليا بغيت المجد حذراك تنحاس=العز ما ياتي لرجل قعودي
جنب عن النمام وإحذر لبلاس=اللي يجيبون الغثا للكبودي
واللي يجالس حلس بيصير حلاس=واللي يجالس شيخ يرقا سنودي
هذا كلام مختصر وأنت عساس=شاعر وتعرف باقيات البنودي
خل العلوم مكدسة جوف الأكياس=اللي عليها فارضين القيودي
وختامها لابأس لابأس لابأس=ياللي تسوق العرف مدري تقودي

الف شكر لك على هذا الرد الجميل


دمت بالف خير

صح بدنك ولا هنت


الطيب منك وفيك


لك تحيتي

وجهك ابيض


بارك الله فيك


سعدت بردك الكيب وتواجدك المستمر


دمت بالف خير

وجهك أبيض


الله يبارك فيك


دمت بالف خير