حنا عتيبة كيفنا شربة الدم=سم لكبود اللي تطاول علانا
من دوننا ما يستقر بالبلد حكم=ما فيه فوق الأرض أمة كمانا
ذباحة الحايل هل الكيف والشحم=لطامة العايل ليا من نوانا
ذرا الدخيل ليا زبنا من الظلم=والله ما ينضام ا هو في حمانا
عز الخوي والجار والضيف يكرم=في مدنا دائم تسابق يدانا
حنا نشرف من يبي صلة رحم=إن كان أخذنا منه وإلا عطانا
اليا عطينا علم ما نخلف العلم=وليا نوينا حرب دارت رحانا
نسقي معادينا زعاف من السم=ياكم كم وكم كأس سقانا
حنا ملوك الجهل وملوك للحلم=ما هي بديعة من قديم الزمانا
هذي وراثة جد مع خال مع عم=عز وشهامة حاميتها لحانا
اليا إنتخى من عتيبي تحزم=ثلث الجزيرة وإتكلنا مشانا
ما تسمع الا تم من تم من تم=على علو المجد حنا رقانا
خلف الشيوخ اللي لها الفتل والبرم=قدامنا بالحزم ما هم ورانا
حتى غدينا رعب للعُرب والعُجم=وأيضا جنون الأرض تخشا لقانا
حنا هل الطالات بالحرب والسلم=في كل شيء ثابتات(ن)خطانا
حنا إحتضنا صفوة الخلق باليتم=الله شرفنا به وحنا ربانا
دستونا القرآن بالبر واليم=من يوم رب الخلق فوقه هدانا
وختامها عداد منهو تكلم=صلوا على المختار سر وبيانا

صح بدنك ولا هنت



سعدت بردك الطيب



تقبل تحيتي