أنا ترى مليت من كثرة الشرح=مع واحد(ن)معطيه ربي بلادة
كنت أحسبه نبيه يفهم من اللمح=طلع متنح ما يروم الريادة
ماهو بعارف جمع من ضرب من طرح=مدري غباوة منه والا عنادة
جربت حظي معه ثم إنسدح سدح=ويا شينها سدحة بليا وسادة
يللي ذبحت الحلم في داخلي ذبح=وشلون بلقا من بعدها سعادة
بعد جرحت القلب من فعلتك جرح=خلاص أنا ضيعت كل الركادة
من يومها معرفك يا ساعة الفرح=الهم كنه صار فوقي قلادة
ماعاد أميز وينه الشين والصح=وأخاف لا تصبح مع الوقت عادة
لكن أنا بقول ما عاد بسمح=ماني مجامل عاشقين القرادة
ماني مداهن من على مطلبي شح=النار ما تخر ياكود الرمادة
وليا بغا له حاجة كثر اللح=عاصف جنونه ما يعرف الهوادة
ما همه الا كيف ترضيه بالمدح=حتى ولو إنه معقب نكادة
من يوم فيها قدح برد له قدح=بصير له سواة شوك القتادة
ماعاد فيه الا أح وقباله أح=حتى يسلم لي زمام القيادة

صح ندنك ولا هنت


شكرا لردك الطيب

صح بدنك ولا هنت


سعدت بردك الطيب

صح بدنك ولا هنت


شكرا لردك وتواجدك المميز


لك تحيتي