يهناك نومك يا بعد كل غالي=خل السهر لعيون ما تعشق النوم
حتى ولو مرت عليها ليالي=والعود صار من السهر شبه مسموم
النوم في غيبتك ماهو بحالي=الفكر ما يرتاح والقلب مهموم
وشلون برقد وأنت مشغل لبالي=أصدر الأوهام وأورد حلوم
طيفك يلاحقني وماثل قبالي=يجدد الأشواق ويبعثر هموم
ياما ترجاني وياما شكى لي=وأنا معه واصلت لليل باليوم
حتى غديت من السهر شبه بالي=ما كني الا هيكل(ن)فوقه هدوم
بين على وجهي شديد إعتلالي=واللي بقلبي صار بالوجه مرسوم
شوفي يكفي يا غلا عن سؤالي=ماني بموجود(ن)ولاني بمعدوم
بكمل المشوار ماني مبالي=ما دامني من شوفتك صرت محروم
بسهر وبسهر لين ياتي زوالي=وإن كان مت من السهر قول مرحوم

صح بدنك ولا هنت



سعدت بردك الطيب



لك خالص تحيتي

صح بدنك ولا هنت


أشكرك على هذا الرد الطيب


سعدت بحضورك


لك خالص تحيتي