سؤال يالجنة التحكيم يبغا له جواب = بالله قولوا الخلل في اي شطر وأي بيت
من شان نعرف البيوت اللي كاسيها ضباب = النقد يبني البيوت من الرياض إلى الكويت
ونرقا بها بالنايفات ونرقا بها فوق السحاب = ونبعد عن الهزل الذي مثل الهشيم اللي ميت
ومن شان نترك الخطأ ونشرب من نهر الصواب = ليا وقعنا فالخطأ أمرار ماتنفع ياليت
الله على بكرة غدت بين الحقيقة والسراب = ياما على شان البكار البيض حولت ورقيت
واحد باني له قصور من الحجاره فالهضاب = وواحد بانيها من الاسمنت ومرشوشه بزيت
الذيب ماطب الحضارة طول عمره فالشعاب = لكن دار الوقت واصبح راكب(ن) وسائق ونيت
كل(ن) يبا شوف البدر ويسأل ليا منه غاب = وأنا ابا بدري يباريها مثل منا هقيت
يالجنة التحكيم هذا لا أعتراض ولا عتاب = لكن ابيها لامشت تمشي مثل منا بغيت
يارب ثبتنا على التقوى وترتيل الكتاب = وأجعل لنا ياربنا في جنتك مليون بيت