وينك شقيقة روحي اليوم وينك=جيت المكان وصدني باب مردود
قلبي غدا مقسوم بيني وبينك=من يوم حنا أطفال مابيننا قيود
لي مدة ما شفت فرحة بعينك=ولا شفت رسماتك أزاهير و ورود
ودي اسولف معك واحضن يدينك=في غرفة الأحلام ما حس لك رود
يا دار وين اللي قبل ساكنينك=وين المرح والضحك واللعب والجود
لقيت صمت الدار يبكي سنينك=وانا بعد بي لهفة(ن)مالها حدود
ذكرت همساتك وفلة جبينك=مشاعر الأحباب والصدق مسرود
راحت لناس بالطهر ماخذينك=ودعتها ما بين شاهد ومشهود
مبروك رب العرش تمم لدينك=مبروك يا قطعة من القلب والفود
الله يتمم لك بخير ويزينك=ويجنبك نظرات حاسد لمحسود
عسى الهنا والفرح دايم قرينك=بعد شهور يتوج الفرح مولود
بعقولنا وأرواحنا حاضنينك=مابيننا الحب والطيب ممدود
يا غالية بقلوبنا حافظينك=زود الغلا ما ينقصه باب موصود
لا تقطعينا دامنا واصلينك=يا ريحة الأحباب يامذخر العود
عسى كريم الوجه دايم عوينك=تصبح حياتك كلها سهود ومهود
وينك حياة الروحي والقلب وينك=جيت المكان وصدني باب مردود

الله الله الله

مبدع ونص راااااااااااااائع


واحساس بالفرقاء

مشكور على النقل


تقبل تحـــــــــياتي

همسات شاعرية




















صح بدنك وبارك الله فيك



سعدت بحضورك وردك المميز



ادام الله لنا هذا القلم



لك خالص تحيتي

صح بدنك ولا هنت




سعدت بردك الطيب




لك خالص تحيتي

بارك الله فيك




سعدت بهذا التواجد والحضور الطيب



لك خالص تحيتي

صح بدنك ولا هنتي



تو ما نورت القصيدة بردك



وحمدا لله على سلامة رجوعك



اجازة سعيدة



لك خالص تحيتي