الليل طول والسهر طاول العين=العين تبغا النوم والقلب عيا
ما همني والله حاجة ولا دين=لكن شيء بالفكر ما تهيا
تلعب بي الأفكار لعب الوراعين=أحسبه شيء وطلع ماهو بشيا
أطارد الأفكار طرد الشياهين=مر(ن)تفوز ومر تطلع بليا
لو شافني عاقل يقول المجانين=من بعد هذا كلبوهم سويا
سريت أفكر فيك يا كامل الزين=صورتك ترقص في محاجر عينيا
مر(ن)أمد الكف ومرار ثنتين=كني أضمك ياغلا في يديا
وليا إنتبهت من الحلم قلت هو وين=ما كان قبل شوي واقف هنيا
أقول له أهلين ويرد بهلين=قبل شوي يقول لي قوم هيا
ياليتني ما قلت له روح بعدين=من بعدها ما عاد عرج عليا
مدري زعل والا تغلي محبين=بس المهم إنه بخير وحيا
يرجع ليا شاء الله ونبقى قريبين=وأعيش أنا وإياه في جوف فيا
مادامنا حيين محنا بعيدين=تصفي لنا الأيام ونشرب هنيا

صح بدنك ولا هنت



شكرا لك على الرد الرائع

صح بدنك



سعدت بردك الطيب

لا عدمتك


لك تحيتي

بارك الله فيك


لا عدمتك



وشكرا لك على الرد الطيب