 |
القوافل العربية
(https://www.alqwafel.com/vb/index.php)
- قوافل قصائد الأعضاء
(https://www.alqwafel.com/vb/forumdisplay.php?f=14)
- - ازرع مابين احشاء بطنك قنبله .. !!
(https://www.alqwafel.com/vb/showthread.php?t=11108)
ازرع مابين احشاء بطنك قنبله .. !!
السلام عليكم ورحمة الله وبركاته ,,,,
هذه الابيات تعبر عن نفسها ,,, اتركها بين يديكم ,, اتمنى تلقى التفاعل منكم ,, واللي بينظم معنا للقروب حياه الله ,, ههههههه لا عاد تعمل خير ياساحر قلوب وشلك بمحبوس السجون بتكفله .. !! دامك تخاف من المراوغ والهروب .. ماهو لزوم تكون راع الاوله .. !! همسات سجانه ولا تبغى تتوب .. تحمل الواحد حمل .. مايحمله .. !! خل السجون لمن يدلون الدروب .. والسجن قالوا يارفيقي .. مرجله .. !! وش رايك نسوي من الاعضاء قروب .. وندخل على سجن القصيد نزلزلة ..!! حط بيدك رشاش وحزامه شبوب .. وازرع مابين احشاء بطنك قنبله .. !! وأدخل على همسات في وقت الغروب .. في سجنها اللي يخوف اللي يدخله ..!! وان شفتها قرب بمشيك دوب دوب .. وجمالها .. لايسوي عندك مشكله ..!! اخافك اليا شفتها تبدأ تذوب .. وتنسى الخطط .. واللي بدى ماتكمله ..!! هذا طلبي بالحال ياساحر قلوب .. واليا فعلته .. صرت راع الاولة .. انا الامام اللي يطيعونه شعوب .. لاقلت .. قولي .. مستحيل .. أبدله ..!! وسلامتكم |
رد: ازرع مابين احشاء بطنك قنبله .. !!
صح لسانك
لي عودة بديناميت و كلاشنكوف إف 16 |
رد: ازرع مابين احشاء بطنك قنبله .. !!
صحت السنتكم
وانا من الجمهور بصفق للفائز منكم بالتوفيق |
رد: ازرع مابين احشاء بطنك قنبله .. !!
صحّ لسانك أخوي مبدع القاف
ومتميز كعادتك تقبل تواضع مروري |
رد: ازرع مابين احشاء بطنك قنبله .. !!
صح لسانك والله يعطيك العافية
نص جميل سلم فكرك والله يكفينا شر القنابل دمت بخير |
رد: ازرع مابين احشاء بطنك قنبله .. !!
ســـلام اللي ماخذ الدرب التعــوب وش العـــلم اللي مضــــى كلـــــه أمشي مع الطيب على كل الدروب من لا يراعـي الطـــــيب عنا نذلـــه بعض الخطا نتجاوزة بعضه مغصوب بعض الخــطا نرفـض دقه و جـــــله لا قلت لك صايب و لا قلت لك كذوب الصــــواب منا ثـــابت في محـــله نزرع أمانينا على كــــف محسوب نكـــابر نزيــــــد جــرحــــه نبلـــــه يا زين ما ابتدا الحــــرب اللعـــــوب سيف الفخر من وسطه أغمده وأسله حنا بنات القــــاف منــــها نصــــوب حنا لها و منــــها نبـــــري العـــــله |
رد: ازرع مابين احشاء بطنك قنبله .. !!
مبدع القاف
صح لسانك أبدعت بالهجوم وهمسات بدت بالصد وحنا بنلبس الأقنعة الواقية من المواد الكيماوية والله يستر ويلا ...شدوا حيلكم وترا المعركة بأولها واللي يتجوز أمنا بنقول له يا عمنا وعساكم ع القوة لكم تحيتي |
رد: ازرع مابين احشاء بطنك قنبله .. !!
مبدع كعادتك يامبدع سلمت يمينك على هذه الابيات الجميله الهادفه وسلمت يمين همسات ولكن لي ملاحظه على ابيات همسات وارجوا ان تقبلها بروح مرحه والملا حظه لاتقلل من شاعريتها
والملاحظه في وزن القافيه ليس على وزن قافية مبدع القاف ارجوا الانتباه لذلك وشكرا |
رد: ازرع مابين احشاء بطنك قنبله .. !!
مبدع القاف
همسات شاعرية صح السانكم قصايد جميلة مميزة ويارب ماننحرم من قصايدكم لكم تحياااااااااااااااااااااااااتي صقر عتيبة |
| الساعة الآن 02:31 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi
الحقوق للقوافـل العـربية: جوال الرسائل 966553850455+