كان عندك شهامة وبالوجه دم=دم وجهك على الخلق لا تنثره
مثل ما جيت روًح كان عندك فهم=لا تكثر كلامك ولا تنشره
لاتوقع على فعلك نحب الخشم=مانحاوج لمثلك ولا نشكره
بعض الأشياء تراها ما عليها ندم=ومن تطاول علينا يمكن نعوره
من رخصنا بعينه نرخصه بالقدم=ومن تغلا علينا يغور ما ندوره
ما خبرنا حقيقه تنوجد من عدم=اتبع الحق الأبلج ولا تزوره
ما يطول المعالي غير صاحب همم=مجدنا ثابت(ن)بفعالنا نطوره
من قديم الليالي نصون الذمم=درب مظلم ليا جيناه بنوره
حافظين العهود وحافظين القيم=الغلط ما نحبه ولا نمرره
ليا رضينا نقدم للضيوف الشحم=وإن زعلنا كثير من البشر نقبره
من تجنب غضبنا في حياته سلم=ومن نويناه واجهناه ما نغدره
الله اللي رفعنا سواة القمم=ليا هوينا على اللي تحتنا ندمره
ما سلم غير من ربك بحاله رحم=ومن نسي او تناسى واجب نذكره

مشكور على الرد الطيب


تقبل تحيتي

الف شكر لك


تقبل تحيتي

صح بدنك ولا هنت


من ذوقك


تقبل تحيتي