ليا قريت اللي كتبته بأمانة=قل لي برايك فيه لن كان حسيت
ترى المعاني ما تحاوج فطانة=واضح وضوح الشمس لن كان لديت
مهي طلاسم سحر والا رطانة=أبيات شعر(ن)فيك يا زين رديت
حملتها حسي وفيها بيانه=وأعلنتها ماشي بالقلب خبيت
قلت أعشقك وأهواك والقلب عانه=أنت الوحيد بداخله كان حبيت
وكل الذي جناه منك المهانة=يهواك وأنت عنه بالعين صديت
اليا ندهلك قال لك:يا فلانه=طعنته برمح الجفا ما توانيت
ما كنه الا فيك سوى خيانة=شتته حبك بالملمات تشتيت
وش ذا التجافي والغبا والرعانة=من يعشقك ترميه في كف عفريت
صار الهوى عندك مجرد لعانة=من طاح به كبرت فوقه وسميت
من عرفكم حذفت معنى الحصانة=بمانة الله ويش للحب خليت
إن كان مالي عندكم من مكانة=قوله تراني من سواياك مليت
بقطع حبال الود وأكبح عنانه=بشرب على الصبّار حنظل وحلتيت

المشاركة الأصلية كتبت بواسطة كامل الأوصاف (المشاركة 19705) صار الهوى عنـدك مجـرد لعانـة من طاح به كبرت فوقـه وسميـت بيت القصيد صح لسانك وبيض الله وجهك قصيدة جزلة ومعاني راقية لك كل التقدير

المشاركة الأصلية كتبت بواسطة عذبة الالحان (المشاركة 19735) قلت أعشقك وأهواك والقلب عانـه أنت الوحيد بداخلـه كـان حبيـت وكل الـذي جنـاه منـك المهانـة يهواك وأنت عنه بالعيـن صديـت اليـا ندهلـك قـال لك:يـا فلانـه طعنته برمـح الجفـا مـا توانيـت مـا كنـه الا فيـك سـوى خيانـة صح لسانك بن هليل مشاء الله عليك شاعر صاحب ذوق عالي بختيرك للكلمات كلامتها قويه وايد وغير كذا تلامس المشاعر وتحز بالخاطر دوم هالتألق والتميز ياشاعرنا