يا من ملك قلبي ولا شي يعطيه=كل الذي أرجوه خلك بقلبي
خلك بوسطه لا تحوم حواليه=أنا وهبتك كل روحي وحبي
لا تسأليني كيف هذا ولا ليه=بس المهم أحبك(ي)أي وربي
خذي هواك(ي) بعد قلبي ملكتيه=طالب رضاك(ي)والهوى كل ذنبي
وجودك(ي)بالقلب يا شوق يحييه=أبين أشياء والكثيري مخبي
قلبي غدا بستان وردة بما فيه=أسعد بريح الورد لا صار قربي
بسقيه من دم الشرايين برويه=بحميه من برد الشتا لو هبي
بكتب قصيدي فيه بنقا معانيه=لأجلك يا ورد يهون لي كل صعبي
وإن فاح ريحه جيت ولهان وأبيه=بقطف زهور الورد قبل يهبي
بحط وردة فوق صدري تحليه=لأجل تحس بنبض قلبي يلبي
أعشقك يا ورد الحجاز وروابيه=والله حسبك بالليالي وحسبي
ملكتني والأسر فيني مواريه=أنهار ليا شفتك ولو كنت صلبي
حبك غدا بلسم جروحي ويدميه=البعد عني لو ما صرت جنبي
بقول مطلوبي دخيلك تسويه=تبقي بقربي بالرضى ماش غصبي
وأبشر بمطلوبك على الكف مهديه=إن قلت شرقي جاك وإن قلت غربي
لأجلك ببيع اللي من الخلق مغليه=بصير دونك مثل ما قيل حربي

المشاركة الأصلية كتبت بواسطة عذبة الالحان (المشاركة 23510) صح لسانك بن هليل قصيده رائعه كروعة كاتبها دائما متألق بقصائدك هنيئا لك بذالك الاحساس تقبل مروري

المشاركة الأصلية كتبت بواسطة ۞النجـــــم۞ (المشاركة 23540) قصيدة رااااااااااااائعة صح لسانك وعلا شأنك لك كل التقدير