نصيحة(ن)لله يا شاعر تغذ=إقنع برزقك رزقنا منت باخذه
هذا جوابي جاك يامالكي خذ=تحبذه والا عسى لا تحابذه
لا تحسب إنك صرت فارس مخوذ=متقلد للسيف لابس مخاوذة
حنا ملوك الشعر لو نلحذه لحذ=من الصخر لانت لفكري ملاحذه
زان الهدف والرمي ما خذ ماخذ=محد(ن)بعد ذا الرمي بالعون ناقذه
ترا حلاة التمر بالدبس والفذ=والله حرم للخمر والمنابذة
كلام حلو وقول معروف من بذ=واللي غشيم يجيك قاضب مفاخذه
هذا جديد وذاك منذو منذ=لا تعمي العينين بكثر المناقذه
هذا زمان البق والقمل والقذ=هذا بذا وذاك تقرأ معاوذه
ياحافي الرجلين نصيحة إتحذ=واللي عصاني حر ماني مواخذه