يلومون النساء رغم النساء اساس كليه = تخرج منها مهندس ودكتور وطبيب أسنان
وتخرج منها معلم لديه دروس سنيه = وتخرج منها ضابط بفعله يقهر العدوان
وتخرج منها شيخ(ن) علومه دوم منقيه = وتخرج منها مزارع يجيد الزرع فالركبان
وتخرج منها واحد تهابه كل جنيه = وتخرج منها محمد ابن نايف عظيم الشان
صراحه والصراحه دايم(ن) ميه على ميه = لو احصر من تخرج منها يلزم مية ديوان
لكن الغرب حطوها لهم اليوم اماريه = يريدون الدمار ودك حصن البنت والسيسان
غزونا غزو مايحتاج دبابه ودوريه = غزونا عن طريق النت والتلفاز والاعلان
تغير وقتها وصارت من الاعداء مرويه = نست طبع البداوه والرعاه فعالي الضلعان
زمان(ن) فات كانت في عيون الكل حوريه = لكن اليوم صارت أرض سبخا مابها إنسان
دواليب الدهر دارت وصار الصقر قمريه = يخاف من الليال السود ويغرد على الاغصان
أنا ماقلتها من شان أقضي وقت عصريه = أنا قلته من شيء(ن) رآيته وحرك الوجدان

لكن الغرب حطوها لهم اليوم اماريه=يريدون الدمار ودك حصن البنت والسيسان
غزونا غزو مايحتاج دبابه ودوريه=غزونا عن طريق النت والتلفاز والاعلان
صح لسانك يالذيب وعلا شانك=
وبيض الله وجهك على هذه القصيدة الرائعة=
التي تستحق الاعجاب والاشادة بها =