صح الله لسان العريف اللي بيوته قالها= سيس بناها بالوفا واتقن بعد محرافهـا
بيوت جزله من جزل روس العلا يرقا لها= ينحت بيوته من صخر وثبيت من عرافهـا
ياذيب ما للمهره الا فارس(ن) يشقــى لها= سواة عمله نادره طبت بيد صرافهـا
ماني مغير مهــرتي ياطيبهــا باقبالها = وياعل عين الحاسدين بشبها واصرافها
عسايفي شرد المهار اللي وانا خيالها= انقى خيار جزالها وابعد واكب ضعافها
حتى ليا جت للسبق تومي بشهب ذيالها= مدربه ومعربه تبهــر نظــــر من شافها
وانا ليا مني وردت اشرب قراح زلالها= اجنب اللي جمتــه مايمتــلي مغرافهـا
وانا اتشرف بالرجال اللي على منزالها= اللي على درب المراجل قاضبه بشعافها
وماللحمول الكايده الا ظهور جمالهـــا =جمالها تشتـالها سمانهـا وعجافهـــا
جمالها مع دربهــا ياصاحبي يبرالهـا= صلب حموله فوقهـاياصاحبـي مارافهــا
انته وانا من لابة(ن) روس المعالي فالها= ثبيت ساس عتيبه الهيلاوروس اشرافها
وابو عتابه شيخنا جعله ببرد ظلالها= في جنة الفردوس يقطف من حسيـن قطافهــا
ولا مات من خلف ولد جزل المكارم نالها= الذيب خلف له ذياب(ن) باديه مشرافها
ياذيب دار السيل تزهاها عقول رجالها= انته تحسب ان الدهـــر ياصاحبي محتافها
على سلوم جدودنا نمشي على مجدالها= وشيوخنا يشهد لها بالطيب من هو ضافهــا
انا ادري انك شايل هموم العرب واحوالها= لكن ريح راحلتكم لايــزيد شعافــها