يدور الزمن والزمن كيــف مـا دار= أنـا حـاسـبه اعـرف نهـاية مساره
يصفي لنا ساعات لو كيف ما جــار=ويا كـــم نجـــم ســابــح في مـداره
ومهما يطول البعد وتطول الأسفار= لابـــد من ليـــل يتجلــى نهـــــاره
هــذي نهايـــة كل شي ليــــا سار=لابـــد ياتــــي لو طـــال انتظــــاره
يا حـــــرة عشقتها بين الأحــــرار= وجــــه المعنى واضح من غبــاره
النوم من عيني بعد غيبتك طـار= وأحرقت في نفسي بنــار الســـجارة
وأنـا ترى قلبي على شي من نـــار= وأنت الوقــود اللـي يزود لنــــاره
بأول زماني كنت للعشــق بيطــار= والعشق يحتــاج له فكـر وشطــــارة
و لاني بداري عن خفيات الأقــــدار=فات الشباب وحان وقت الوقــــارة
الله على ظلم الليــالي ليــا صــــار=أخبث مذاق وطعـم طعــم المـرارة
ولا تفرحين أنا على الهجــر صبّـــار=حتى يبين العلــم و اعــرف قــراره
أدني وتبعدني مسافــات وأســـوار=من عقبها كل يســــافر لـــــداره
والمعــذرة هذي هواجيس وأفكـــار= ردي علــي وهـــوني للحــــــرارة
و إما تعــال بعــز وإجـلال وإكبــار= واحكم و حكمني على كل شــــارة
ونقضي معك لحظات حلوات سمـار=وأطربك من لحن القصيد وشعـاره
ونعزف لحون الفــرح فوق الأوتـــار= ونرقص على بست المغني وبــاره
نبري جروح القلب بعــزف مزمـار= ونرمي عن جــرح الليالي غيـــاره
هاتي معازيف الهوى الطبل والطار=وغني لحــون الحــب في كل حـارة
خلي لحون العشق في كل الأقطـــار=وخلــي الهنـاء يعــم زيدي عياره
وأترك معـك للوقت همسات تذكار= وتسدل على الأحلام شيل الستارة
وأخذ بقايا العمــر بيمين ويســـار= ترى ربيع العمر ماضي قطــــاره
بنظم قصيدي من فكاهـات الأشعـــار=ببرر الأفعــــال بحكـــم الطهـارة
من بعدها حط لك ألــــف معـــــذار= وافرح بنصرك ياالغضي بكل غارة
إن كنت تلعب لعبـــة القط والفـــأر= وتضحك على المجنون بعد انتحاره
بتبيعني بالســوق لأي سمســــار=طبق علي قانون بيع التجـــارة
وتدق في نعش الهوى أي مسمـــار=وإمـا رجعــت بربح وإلا خسارة