يا هلال أنا خابرك رجل(ن)عريبي=قالوه بالأمثال العرق دساس
المال يذهب والأيادي تجيبي=والباقية لا وقفت عنك الأوناس
ما قدمت يمناك لا كنت ذيبي=من عون للمحتاج وضعيف محتاس
والا الكرم أحيان بعضه معيبي=بعضه تفاخر والفخر ماله قياس
قدم حقوق الضيف وأيضا القريبي=لا باس هذي يابيض الوجه لا باس
وليا بغيت الكنز ماهو صعيبي=ترا القناعة كنز وأغلى من الماس
والعقل نعمة بالزمان المريبي=والبعد عن شيء(ن)يقرب للأدناس
هذا جوابي وأدري إنه عجيبي=ماهو بنصف الكأس مليات الكاس
من فكري اللي حافظه في قليبي=والقلب دونه طول الأيام حراس
من مطلع أيامي ليا وقت شيبي=ماني بلا عية ولاني ببلاس
ورجل(ن)بلا معقول ماله صحيبي=ينحط في دنياه مابين الأقواس
جساس وش حصل بدم الكليبي=الا المقاتل بين سالم وجساس
وختامها لاكان مالك طليبي=ترتاح في دنياك لو كنت مفلاس

صح بدنك ولا هنت....بارك الله فيك


سعدت بحضورك وردك الطيب


الله يعطيك العافية


لك خالص تحيتي

صح بدنك


تجملت القصيدة بمرورك وتعطرت بعطور


الف شكر لك على هذا الرد المميز

صح بدنك ولا هنت....بارك الله فيك


سعدت بحضورك وردك الطيب


الله يعطيك العافية


لك خالص تحيتي